Labad Lab
Pwede ang laboratory kay butangan og dako kaayong exhaust system?Kay inig klase ba, lupig pay nag-sandstorm sa sulod. Unya pwede pa mudungag og suggest? Sa partition, unta dili lang lamesa og kurtina ang pagitan kay unfair kaayo sa uban nga dili abugon ang project. Madamay mi.
Last na gyud: pwede pud ilahi ang painting section kay grabe makamatay ang kabaho sa chemicals, sakto human sa tulo ka oras sa laboratory, high na mi inig gawas para sa sunod nga klase.
Banyo Blues
Pwede ang banyo dili mahutdan og sabon?Grabe tag-isa ray ibutang unya inig signing of clearance magbaha ang sabon. Unya dungag pang obserbasyon, paresan pud siguro og balde ang kabo kay in times of emergency,lisud baya og kabo lang ang gamiton. Might as well provide bidets. Just saying though.
Group Grade
Naay teachers ba murag ga magic og grado. Tanang lihok points, unya sige og pa group grades. Unsaon na lang ng mga nagtarong unya ubanon sa mga irresponsible.Unya group grade japon?
Grado Gikan sa Events
Kung naay event sa eskwelahan, additional points lang siguro ang idungag sa exam uy dili kay exempted gyud. Ang tamad nga estudyante nisamot katamad. Bow
Planet Mars Teachers
Teachers nga sayon kaayo ang quiz unya ang ihatag sa exam murag gikan pang laing planeta. Ma’am, Sir, giunsa na ninyo pagbuhat nga exam kung wala na ninyo natudlo sa amoa?